O'zbekiston Respublikasi Oliy Majlis Senati

Табиат муҳофазасига барчамиз масъулмиз

 

04.11.2013

Қарши шаҳрида Ўзбекистон Республикаси Олий Мажлиси Сенатининг Аграр, сув хўжалиги масалалари ва экология қўмитаси ҳамда Қашқадарё вилояти ҳокимлиги ҳамкорлигида экология ва табиатни муҳофаза қилиш масалаларига бағишланган семинар бўлиб ўтди.

“Муҳофаза этиладиган табиий ҳудудлар тўғрисида” ва “Ҳайвонот дунёсини муҳофаза қилиш ва ундан фойдаланиш тўғрисида”ги Ўзбекистон Республикаси қонунларининг давлат органлари томонидан ижро этилишини вилоятдаги “Ҳисор” ва “Китоб” давлат қўриқхоналари мисолида ўрганиш якунларига бағишланган тадбирда соҳага алоқадор ташкилот ва идоралар вакиллари иштирок этди.

– Республикамизда 9 қўриқхона, 2 табиат боғи, битта ихтисослашган “Жайрон” экомаркази мавжуд, – деди Ўзбекистон Республикаси Олий Мажлиси Сенатининг Аграр, сув хўжалиги масалалари ва экология қўмитаси раиси Ҳ.Раззоқов. – Муҳофаза этиладиган табиий ҳудудларнинг ер майдони 2 миллион 340 минг 490 гектарни ташкил этади. Мамлакатимиздаги ана шундай бой ўсимлик ва ҳайвонот оламини асраб-авайлаш нафақат соҳага алоқадор мутасадди ташкилотларнинг, балки ҳар бир фуқаронинг масъулиятли бурчидир.

Тадбирда вилоятдаги номлари юқорида тилга олинган қўриқхоналарда мазкур қонунлар ижросини таъминлаш борасидаги ишлар таҳлил қилинди. Бу борада йўл қўйилаётган камчиликларни бартараф этиш чоралари, ваколатли органларни жалб қилган ҳолда қўриқхоналар учун ёнғинга қарши тадбирлар режасини ишлаб чиқиш, жойлардаги маҳаллий ҳокимликлар ва қўриқхона атрофида истиқомат қилаётган аҳоли билан қўриқхона ходимларининг ҳамкорлигини йўлга қўйиш масалаларига алоҳида эътибор қаратилди.

Тадбирда Қашқадарё вилояти ҳокими З.Рўзиев сўзга чиқди.

***

Tabiat muhofazasiga barchamiz mas’ulmiz

Qarshi shahrida O‘zbekiston Respublikasi Oliy Majlisi Senatining Agrar, suv xo‘jaligi masalalari va ekologiya qo‘mitasi hamda Qashqadaryo viloyati hokimligi hamkorligida ekologiya va tabiatni muhofaza qilish masalalariga bag‘ishlangan seminar bo‘lib o‘tdi.

“Muhofaza etiladigan tabiiy hududlar to‘g‘risida” va “Hayvonot dunyosini muhofaza qilish va undan foydalanish to‘g‘risida”gi O‘zbekiston Respublikasi qonunlarining davlat organlari tomonidan ijro etilishini viloyatdagi “Hisor” va “Kitob” davlat qo‘riqxonalari misolida o‘rganish yakunlariga bag‘ishlangan tadbirda sohaga aloqador tashkilot va idoralar vakillari ishtirok etdi.

– Respublikamizda 9 qo‘riqxona, 2 tabiat bog‘i, bitta ixtisoslashgan “Jayron” ekomarkazi mavjud, – dedi O‘zbekiston Respublikasi Oliy Majlisi Senatining Agrar, suv xo‘jaligi masalalari va ekologiya qo‘mitasi raisi H.Razzoqov. – Muhofaza etiladigan tabiiy hududlarning yer maydoni 2 million 340 ming 490 gektarni tashkil etadi. Mamlakatimizdagi ana shunday boy o‘simlik va hayvonot olamini asrab-avaylash nafaqat sohaga aloqador mutasaddi tashkilotlarning, balki har bir fuqaroning mas’uliyatli burchidir.

Tadbirda viloyatdagi nomlari yuqorida tilga olingan qo‘riqxonalarda mazkur qonunlar ijrosini ta’minlash borasidagi ishlar tahlil qilindi. Bu borada yo‘l qo‘yilayotgan kamchiliklarni bartaraf etish choralari, vakolatli organlarni jalb qilgan holda qo‘riqxonalar uchun yong‘inga qarshi tadbirlar rejasini ishlab chiqish, joylardagi mahalliy hokimliklar va qo‘riqxona atrofida istiqomat qilayotgan aholi bilan qo‘riqxona xodimlarining hamkorligini yo‘lga qo‘yish masalalariga alohida e’tibor qaratildi.

Tadbirda Qashqadaryo viloyati hokimi Z.Ro‘ziyev so‘zga chiqdi.

 

UzA

Rus

Copyright © 2005 O'zbekiston Respublikasi Oliy Majlisining Senati